غذاء الثعابين في الأسر هام لكل مربي الثعابين
ثعبان كوبرا
غذاء الثعابين ،الثعابين بتتغذى على مجموعة متنوعة من الفرائس تشمل "الثديات والقوارض والطيور والسحالى والزواحف والحشرات" طبعا انا مخصص البوست للحديث عن الانواع المحلية غذاء الثعابين الاساسى بيكون القوارض " زى فئران المايس والرات " ولكن التعابين بشكل عام كما ذكرت بتتغذى على مجموعة متنوعة من الفرائس ودة بيتوقف على النوع والبيئة المحيطة بية ،على سبيل المثال الانواع اللى بتتواجد فالمناطق الصحراوية هنلاقيها بتتغذى ع " الحشرات والقوارض والسحالى وبعض الانواع من الزواحف زى الضبوب او الثعابين الاخرى " وهنلاقيها بتستطيع تحمل الجوع فترة اكبر من الانواع اللى بتعيش فبيئة برمائية او زراعية مثلا ودة بحكم البيئة الصحراوية اللى بتتواجد فيها ، ايضا هناك الانواع اللى بتعيش فالمناطق الزراعية زى ثعبان ابو السيور مثلا هنلاقى ان غذائه بيشمل "القوارض والطيور والسحالى والبرمائيات" بحكم الفرائس المتوفرة ف البيئة اللى بيعيش فيها ،هناك ايضا الانواع البرمائية زى ثعبان النرد هنلاقى ان الفرائس بتاعتة بتقتصر على "الاسماك والبرمائيات والسحالى" ودة طبعا بسبب الفرائس المتاحة ف البيئة المحيطة بية ، فالفريسة نفسها بتتوقف ع النوع والبيئة اللى بيعيش فيها وايضا بتتوقف ع اشياء اخرى زى الحجم "حجم الفريسة او الثعبان نفسة " طبعا كلنا عارفين ان الثعبان يفضل ان تكون فريستة بحجم اكبر جزء فجسمة ،ولكن بشكل عام التعابين بتستطيع افتراس فرائس اكبر من حجم رائسها بثلاث مرات ودة طبعا ليس لان الثعابين بتخلع فكها السفلى كما هو شائع ولكن لان عظمتى الفك السفليتين عند الثعبان يرتبطان ببعضهما البعض عن طريق اوتار مرنة تسمح لعظمتى الفك السفلى بان يتحركا بشكل منفصل عن بعضهم البعض وف اتجاهات مختلفة بما يناسب حجم الفريسة التى يرغب بابتلاعها والتى لا تتعدى 3 اضعاف حجم رائسة غالباا ، واذا كانت الفريسة كبيرة فالحجم ويصعب على الثعبان ابتلاعها هنجد انة مش هيحاول افتراسها من الاساس زى فرائس كتير جدااا ،الثعابين الصغيرة بتتغذى مرة كل اسبوع بينما الثعابين الكبيرة بتتغذى مرة كل 10او15 يوم ، عدم رغبة الثعبان ف الاكل بيكون لها اسباب كتير جدا زى عدم وجود حرارة او ان الثعبان مريض اوعدم مناسبة الفريسة للثعبان او دخول الثعبان ف بيات شتوى
تعليقات
إرسال تعليق